الشروط والأحكام

مقابلة بنك أسئلة انترفيو بيبنيه المرشحين لبعض. المحتوى هو اللي المساهمين فاكرينه من انترفيوهاتهم، ومش بنضمن دقته أو اكتماله أو إنه هيتسأل تاني.

الحساب مجهول: مش بنطلب إيميل ولا اسم حقيقي. اسم الدخول مش بيظهر لحد، وبيظهرلك اسم مستعار بيتولّد لوحده. إنت مسؤول عن حفظ كلمة السر؛ من غير إيميل مينفعش تترجع.

لما تمسح حسابك بيانات الدخول بتتشال نهائياً، ومساهماتك (الأسئلة، التعليقات، الحلول) بتفضل منشورة تحت الاسم المستعار.

• متنشرش حاجة عليها اتفاقية سرية (NDA) أو منسوخة بالنص من مصادر تانية.
• لما تنشر محتوى على مقابلة إنت بتدّينا ترخيص غير حصري نعرضه ونعدّله ونوزّعه جوه الخدمة.
• المشرفين من حقهم يعدّلوا أو يرفضوا أو يمسحوا أي محتوى من غير إشعار.
• لو عايز تطلب حذف محتوى، ابعتلنا على الإيميل اللي تحت في الصفحة.

• النقط مش عملة: مبتتحوّلش لفلوس ومبتتنقلش بين الحسابات، وبتتصرف بس على فتح أسئلة الشركات.
• الوصول لشركة مدته 30 يوم من تاريخ الشراء، والشراء تاني بيضيف 30 يوم على تاريخ الانتهاء الحالي.
• المبالغ بالجنيه المصري. لو حاجة مشتغلتش بعد الدفع، كلّمنا وهنصلّحها أو نرجّعلك فلوسك. مفيش استرجاع بعد استخدام الوصول.
• من حقنا نعدّل الأسعار وقواعد النقط مع إشعار على الموقع.

ممنوع نسخ المحتوى آلياً، أو إعادة بيعه، أو مشاركة الحساب، أو محاولة تخطّي قيود الوصول، أو نشر محتوى مسيء أو مخالف للقانون.

الخدمة بتتقدّم زي ما هي من غير ضمانات. مش مسؤولين عن أي قرار تاخده بناءً على المحتوى أو أي انقطاع في الخدمة.